यशवंतराव चव्हाण महाराष्ट्र मुक्त विद्यापीठाच्या वतीने रोजगार अभियान.

यशवंतराव चव्हाण महाराष्ट्र मुक्त विद्यापीठ

यशवंतराव चव्हाण महाराष्ट्र मुक्त विद्यापीठ वंचित दुर्लक्षित घटकातील युवकांना 250 पेक्षा जास्त कोर्समध्ये माध्यमातून शिक्षण उपलब्ध करून देते आहे.

ग्रामीण भागातील युवकांना शिक्षण पूर्ण केल्यानंतर रोजगाराच्या संधी उपलब्ध व्हाव्यात या उद्देशाने विद्यापीठाचे कुलगुरू डॉ. संजीव सोनवणे यांच्या संकल्पनेतून या रोजगार अभियानाची सुरुवात झाली.

या उपक्रमात युवाशक्ती फाउंडेशनच्या माध्यमातून महाराष्ट्रातील 350 च्या वर कंपनीमध्ये 11000 पेक्षा जास्त मनुष्यबळाची आवश्यकता आहे. यासाठी विद्यापीठाने विद्यापीठाच्या 8 विभागीय केंद्रात रोजगार मेळाव्यांचे आयोजन केले आहे.

यशवंतराव चव्हाण महाराष्ट्र मुक्त विद्यापीठाच्या विद्यार्थ्यांना आवाहन करण्यात येत आहे की, आपण या रोजगार मेळाव्यात सहभागी व्हावे. या रोजगार मेळाव्यातून त्यांना नोकरीची संधी उपलब्ध होणार आहे. यासाठी विद्यार्थ्यांनी नोंदणी करावी.